如何吃？
薄切牛舌燒一面，見到邊位微微捲起、面頭出汁就可以食，唔使反轉，太熟會變韌。有葱花嘅「ねぎ塩タン」，就將葱放喺肉中間，對摺包住葱再燒。厚切牛舌就兩面各燒一陣，切開中間仲帶少少粉紅色最好食。牛舌係燒肉嘅第一碟，網仲乾淨，先食淡味再食醬汁肉。
撳 🔊 會用箭嘴指住係牛邊個部位
如何吃？
薄切ロース、ミスジ脂肪少，每面燒十幾秒、見到變色就要反，中間仲有少少粉紅色就食得，燒太耐會變硬。「一塊ミスジ」成大塊上枱，先將表面每邊燒到微焦，再用較剪剪成一口大小，切面再輕輕燒一下。大判サーロイン油花多，攤平燒兩面，可以對摺包白飯食。可以揀「タレ」或者「塩ダレ」調味。
撳 🔊 會用箭嘴指住係牛邊個部位
如何吃？
ハラミ其實係內臟（橫膈膜），但口感似紅肉，肉汁多又唔太肥。薄切嘅特上ハラミ、とろハラミ每面燒 30 秒左右，見到兩面變色、仲有少少粉紅色就食得，燒太熟會韌。「大判ハラミステーキ」成大塊上枱，先將兩面燒到微焦封住肉汁，再用較剪剪成一口大小，切面再輕輕燒一下。越咬越出肉汁，可以揀「タレ」或者「塩ダレ」。
撳 🔊 會用箭嘴指住係牛邊個部位
如何吃？
カルビ油花多、肉汁足，油滴落炭會起火，所以要勤力反，兩面燒到微焦就食得。「焼きすき」係薄切牛腩，燒十幾秒、未全熟就點生蛋汁食，好似壽喜燒咁滑。「まるごと一本カルビ」一長條上枱，用夾一邊燒一邊用較剪剪細件。カルビ同白飯最夾，燒好點タレ放落白飯上面一齊食。
撳 🔊 會用箭嘴指住係牛邊個部位
如何吃？
ホルモン油多、醬汁多，所以通常最後先燒。テッチャン、マルチョウ、とろホルモン要將皮嗰面向下先燒，燒到皮捲起、油脂變透明再反過嚟燒一陣，燒到微焦就食得。上ミノ肉厚爽口，兩面燒到有焦痕就得。レバー一定要燒到中間都熟先好食（圖都寫明「十分に加熱して」＝要充分加熱）。油滴落炭會起火，見到火就將肉移去網邊。
👆 左右滑動切換 ⇆